Naranasan mo na ba yung na obsess ka sa isang bagay or tao tapos 24/7 mo nang iniisip yung bagay/tao na yun? Kasi ako, oo. At hindi lang basta basta obsession dahil ako ngayon ay adik sa, jeren, scented candles! 

Di ko alam kung san nag-ugat ang pagmamahal ko sa mga kandila, pero parang dahil ata to sa mga girly Tumblrs na binibisita ko na yung mga kwarto nila, laging may pakandi kandila effect, at dahil inggitera ever ako, gusto ko din ng ganun. Haha! At dun na nga nagsimula ang random obsession ko sa mga scented candles. Gano ka obsessed? As in nag gooGoogle pa ko kung pano ba ang tamang paraan ng pagsindi ng kandila. Hindi pala basta basta na sisindihin mo lang kandila mo, dapat pala may pa trim trim wateber pa para hindi amoy usok pagsindi mo, tapos dapat hindi hinihipan yung ilaw, dapat pala, ehem, dinidip sa wax. At dahil wala naman akong kahit anong proper candle lighting apparatus, ginamit ko yung mga nasa dissecting kit ko at nail cutter bilang wick trimmer. Kurips committee, put your hands up! Haha! Medyo fail pa nga ngayon kasi amoy pintura pa kwarto ko, pero homaygad, naeexcite na kong bumili ng iba ibang scents ng kandila! Currently, meron akong Alice Blue Peppermint and White Tea and Ginger, pero ang tinitibok talaga ng puso ko ay yung mga amoy pagkain na scents. Hanggang sa kandila, pagkain pa rin priority ko. Haha! May bago akong discovery, ang Amber Lights Laguna candles. Ang pinagpipilian ko ay Chocolate Mint at Banana Nut Bread, pero parang umeeksena si Baby Powder.

Candles be love? (Weh)

At dahil din sa newfound love ko, nadiscover ko na may, ehem, Spirtophobia pala ako. Oo, ginoogle ko talaga ang term na yan at natuwa naman ako na di pala ako nag-iisa. Ang Spirtophobia ay ang fear of lighting matches. Yes, my friends, takot ako magsindi ng posporo. As in nanginginig ako habang nagsisindi ng kandila. Huhu. Nakasindi na sana ako ng isa tapos nagpanic ako at nabitawan ko siya sabay apak sa posporo. Huhu. Pero sabi nga nila, walang makakapigil sa taong in love, at dahil in love ako sa kandila, nagawan ko yan ng paraan! Bumili ako ng automatic candle lighter! Harhar. Kaya medyo may kayabangan na kong magsindi ng kandila ngayon. Uutuin pa sana ako ni kuya Handy Man na bilhin yung refillable na lighter, e P500 kaya yun! P42 lang bili ko dun sa kin at isa pa, di ko kailangan ng refillable dahil marami namang nagmamahal sa kin na willing sindihan mga kandila ko pag ubos na Butane ng lighter ko, pweh.

In relation to candles and whatnot, isang maligayang haberday kay Irog! Ika nga nila e, you light up my life. Haha! :P