Last But Not The List: Limang Pampainit Ngayong Tag-init

Kung porn ang hanap mo, nagkamali ka ng click sa Google dahil ibang klaseng pampainit ang makikita mo dito. Dahil sa isang malungkot/masayang tagpo na nangyari kamakailan, mas namulat ako sa mga bagay na sandali kong nakalimutan kasi akala ko, sapat na yung 'init' na nakukuha ko sa kanya, pero dahil nanlamig na ang dating mainit,jeren. Sabi ko di ko na babanggitin yun e, dammit. Anyway.

Kakagaling ko lang sa Holy Week vacation/nilay-nilay time at eto ang limang bagay na 'nagpainit' (bakit ko ba kasi naisip isip tong title na to e.) sa aking tag-init.

1. Paalam 'therainbowkid', hello 'imaginedmeanings'! 

Dahil sa isang pag-amin, napaamin din ako na di na ko bata (huhuhu) kaya panahon na para sa isang mas 'dalagang' blog title. Wag mangamba, magpopost pa rin ako ng makukulay na bagay dito! Ako pa rin si rainbowkid, mas malawak lang imagination ko ngayon. Mwehehe.

2. Fifi's fieldtrip

Mula nung nabili ko si Fifi the Fuji, sa office, sa Cubao, at sa bahay ko pa lang sya nagamit. Buti pa ang kapatid ko, nadala na sya sa EK. Kaya para di sya magdamdam, dinala ko sya sa Bicol! Ang saya saya naming dalawa! Ang dami nyang nakitang masaya! Tignan ang mga tagpo sa baba.

Huhuhu. Ang ganda ganda! Sabi na nga ba't never kong pagsisisihan na binili kita, Fifi! <3

3. Momon, my labth! 

Si Momon ang favorite pinsan ko dahil ako rin ang favorite pinsan nya! Lagi nya kong hinahanap pag wala ako at lagi syang masaya pag nakikita nya ko. :) Nahulog sya hagdan at nasugatan kasi tinawag nya ko sa taas para kumain kasi ako na lang ang wala sa kainan. Awww. 

4. Mga kaibigang handa akong batukan at paluhain konti

Eto talaga ang ultimate! Mga kaibigan na di magsusugarcoat pag kailangan nang maging real meanings ang imagined meanings. Sila yung handang sabihin sayo yung mga bagay na alam mo na naman, dinedeny mo lang. Salamat Jhe, Ryo, at Fiona! Mwah mwah tsup tsup!

5. Marunong nang mag let go pag dapat na mag let go aka maturity

Eto ata ang biggest accomplishment ko, love-wise.Yung alam na pag wala na, yung di na nagbabargain at nagdadahilan. Yung umaamin na para matapos na. Kung nabasa mo man o hindi, di ko malalaman, pero ipagpalagay na lang natin na nabasa mo at binalewala mo pa rin. Ika nga sa CSI, not making a decision is a decision at dahil dyan, thank you dahil nakapagdesisyon na din ako.

At dahil bitter pa rin ako (HAHA):

Pero seryoso, sorry na nagulo buhay mo dahil sa kin. Magback to regular programming na tayo at umasta na lang na walang nangyari. Ideal yun para sa ting dalawa. :)

There you go, guyebenow! :D

Instax Attraction

Happy new year! :D

Sasagot sana ako ng yearender survey bilang pagtatapos ng 2012 ko, pero dahil patapos na ang January, masyado na atang late para balikan pa ang mga bagay bagay na naganap last year, ehem ehem. 

Weird ang naging start ng taon ko dahil mixed as in mixed emotions ang sumalubong sa 2013 ko. Saya dahil nanalo ako ng 6K sa unang araw ng taon (swerte sa pera, ibig bang sabihin malas ulit sa pag-ibig? huhuhu.), tapos magkahalong lungkot at frustration dahil sa, am, love. Dahil alam naman nating lahat na kambal sa uma kami ng kasawian at ka-loser-an sa pag-ibig, pero moving on, may Instax camera na ko! O diba, nag move on nga talaga! :P Ladies and gentlemen, meet Fifi the Fuji!

Hi Fifi, my bibi! :D

Matagal ko nang pinaglalawayan ang Fuji Instax pero ang mahal kasi e! Kaya nang mapadaan kami ng Wirdos sa Picture City kagabi, tapos P2,950 na lang si Fifi, I knew we were meant to be! Alam mo yung "I Knew I Loved You" ng Savage Garden? Theme song namin ni Fifi yun! Kahit pilit na humadlang ang ATM ko, di namin napigilan ni Fifi ang bugso ng aming mga damdamin! Ang ganda ganda ni Fifi! Di ako nagsisisi at magsisisi na binili ko sya! Or magsisisi din siguro ako pag wala na kong pera at nakatingin lang si Fifi sa kin, pero matagal pa yun!

At syempre, dahil excited ako, nag-ambenchur kagad kami ni Fifi kagabi! Welcome na welcome sya ng lahat-ng friends, Facebook friends, at ng pamilya ko! Please see pictures below para makita ang namumuong pagmamahalan namin ni Fifi!

Welcome na welcome si Fifi sa Wirdos!

Nagmerienda na rin kami kasama ng mga kapatid ko!

First family picture with Fifi!

First "mapanlinlang-chicks-kunwari" picture with Fifi!

Fifi! Excited na excited na ko sa mga ambenchurs natin! Isasama na kita kahit san! Kahit alam kong marami tayong paghihirap (mahal kasi ng film mo e, huhuhu.) na pagsasamahan, poreber akong magiging masaya na magkasama tayo at na ang mura kitang nabili. Hehe. 

P.S. Ansabe ng bagong thread na kilay ko?! :P