Five days ago, habang bored at nangstastalk ng mga models sa Twitter, nagka random thought ako na magsisimula na kong mag-exercise. Actually, maraming beses na tong sumagi sa isipan ko pero malakas kasi talaga ang tawag ng kama at ng masasarap na pagkain sa kin. Para bang tuwing naiisip kong maghehealthy living na ko, biglang uulan or biglang kakatok kapatid ko sa kwarto at mag-aaya na magpa deliver kami sa Mcdo. Haay. Pero dahil malayo pa naman ang tag-ulan at dahil nagtitipid kapatid ko, parang uubra na ata ang healthy living mode ko! Nag Google muna ako ng masasayang (aka madadali at di nakakapagod) workout na pwedeng gawin ng mga beginners na may separation anxiety sa kama at pagkain like me. Tatlo yung appealing na workout, namely: The Four Minute Exercise or TFME para maiksi (salamat kay Tita Winnie Cordero of TV Patrol para dito), Yoga, at Pilates.
Tinry ko ang four minute exercise, kasi, the, four minutes lang yun at di nakakapagod! Yan ang sabi ko bago ko simulan yung lecheng four minute na exercise na yan. Basically, 10 counts of jumping jacks, squats, lunges, at sit-ups na uulit ulitin mo hanggang mag four minutes ang TFME, dali lang diba? ENG! (yan yung sound ng buzzer pag mali ka ng sagot sa game show). Pakshet, 3 araw na pananakit ng katawan ang katumbas ng four minutes na yan! At isa pa, hindi ako marunong mag squat, tanungin mo pa ang FPF professor ko na pinagdemo ako ng pagsqusquat sa harap ng buong classmates ko sa PE! Kaya obviously, di kami meant to be ng TFME.
Next ko namang tinry ang yoga, syempre thru Youtube lang dahil binalikan ko na ang a bum's life. Tsaka isa pa, ayoko namang mag-enroll sa isang class na alam kong di ko naman papasukan religiously, parang PI 100 lang (na sa sobrang di ko pagpasok sa subject na to, nakalimutan ko tawag sa kanya at ginoogle ko pa ang equivalent ng Rizal studies sa UP Manila). Dahil marami namang gusto rin maghealthy living at uso ang Yoga, di ako nahirapan makakita ng Yoga videos. Tinignan ko mga Yoga positions, parang kaya ko naman, emphasis on the word 'parang'. After several tries, naconclude ko na tulad ng Math, PE, at ni Ivan (sorry, Valentines e), Yoga and Angge, do not mix.
At this point, ayoko na ulet maghealthy living kasi parang ayaw talaga ng tadhana at ng kama ko at ng masasarap na pagkain na magbagong buhay ako, pero dahil shet, wala na talaga akong magawang masayang gawin, fine, Pilates naman ni-Youtube ko. Nakakita ako ng isang video for beginners na mukhang madali lang gawin. Syempre, alam niyo nang di talaga madali diba, pero dahil wala na kong ibang options, pwede na nga. At huwow, ang saya! As in totoong saya ah, na kahit minumura na ko ng mga mercy at ng likod ko, masaya ako after ng, you know, workout ko. Simple lang kasi yung workout tapos wala masyadong tools na kailangan. Mat, workout clothes, at maraming maraming fighting spirit at will power lang kailangan. Dahil ako si Angge, check na yung third requirement para sa Pilates. At dahil din ako si Angge, wala akong mat at workout clothes, pero dahil resourceful naman ako, jeren!
EXPECTATIONS: Store-bought, actual Yoga mat
REALITY: Store-bought din, actual din, kumot nga lang. (at least medyo hawig sa tunay na Yoga mat yung pattern!)
EXPECTATIONS: Mamahaling Lycra gym clothes.
REALITY: Mumurahing pambahay/pantulog/everyday wear. At oo, mga polar bear na may Santa hat pattern ng pajama ko, deal with it.
I-congratulate niyo ko dahil 5 days na kong nagpi Pilates nang walang mintis! 30 minute session yung nasa Youtube at masaya yung instructor. Kahit pa halos araw-araw kong minumura sarili ko tuwing nagpi Pilates ako dahil ang sakit sa katawan (lalo ka na leg circles! damn you ka!), nakaka addict pala mag exercise! Yes, my friends, ako to, di ako sinaniban ng kaluluwa ni Jane Fonda. At para ma-inspire kayo at para naman may karamay ako sa pangyuyurak sa sarili ko, eto na ang video link ng Pilates for beginners c/o Cassey Ho ng Blogilates channel. Promise, kung kaya ko to, kaya niyo rin!
Game, para maging "Pilates" of the Carribean na tayo! Corny, I know, deal with it na lang ulet.
*Ang title ng post na ito ay inspired by the 1960 film, "Queen of the Pirates". Oo, pinag-iisipan ko talaga ang mga blog titles ko. Naisip ko nung una, "Pilates" of the Carribean, na di ko ma let go kaya siningit ko pa rin sa entry na to. I thank you, bow.
